Գլխավոր
Բոլոր տուրերը
Տուրերի բաժիններ
Չվացուցակ
Մենք և մեր գիդերը
Պայմաններ
Կապ


Տուրերի մասին կարծիքներ

Մամուլը մեր մասին

բանիմաց և հոգատար գիդեր
 AMD
 Կիլիկիա, Միջագետք Հայոց, Նեմրութ-Կոմմագենե և Արեւմտյան Հայաստան (9 օր)
Տուրի տեւողություն
9 օր, 8 գիշեր

Համառոտ նկարագրություն
Այցելե՛ք անզուգական Կիլիկիա՝ Արևմտյան Հայաստանի հետ մեկտեղ, հռչակավոր ✔️ Մուսա լեռ, Նեմրութ պանթեոն ✔️ Անահտի, Վահագնի, Արամազդի հսկա արձաններ, Հայոց Միջագետքի գեղեցիկ քաղաքներ ✔️ Այնթապ և Ուրֆա, Պողոս առաքյալի ծննդյան և Լևոն թագավորի օծման վայր Տարսոն: Անցեք այն դարպասով, ուր Կլեոպատրան հանդիպեց Մարկոս Անտոնիոսին, խաչակիրների, ուրարտացիների և բյուզանդացիների ամրոցներով, ուր պահպանվել են Կիլիկիո ✔️ հայոց թագավորների գրերը: Բաց մի թողեք Միջերկրական ծովում և Վանա լճում լողալու հաճույքը:

✅ Մեր պատմական տարածքներում Նարեկավանք Տուրն ունի ամենից վստահելի, երկարատև և ամուր կապեր տեղի գործընկերների հետ: Կիլիկիա տուրեր Նարեկավանքն իրականացնում է 2008 թվականից սկսած: Ճամփորդե՛ք պատմա-մշակութային ուղևորությունների ոլորտում ամենափորձառու ընկերության, ամենակիրթ և հոգատար գիդերի հետ:


Արժեք
330՛000 դրամ 240՛000 դրամ
Արժեքի մեջ ներառված են.
ա) գիշերակաց 3* և 4* որակյալ հյուրանոցներում (2 հոգի մեկ սենյակում, 1 հոգին՝ հավելավճարով),
բ) նոր հարմարավետ տրանսպորտ` միկրոավտոբուս, ապահովված օդափոխիչով և հարմար թիկնաթոռներով,
գ) համեղ ուտեստներով, լիարժեք 2-անգամյա սնունդ՝ նախաճաշ և ընթրիք,
դ) տեսարժան վայրերի մուտքի տոմսեր ըստ ծրագրի՝ այդ թվում դեպի Աղթամար և Կոռիկոս նավարկության տոմսեր,
ե) ճանապարհային բժշկական ապահովագրություն (Travel Insurance),
զ) փորձառու, կրթված, հոգատար գիդի (երկրի, պատմության, լեզուների մասնագետ՝ թուրքագետ) ուղեկցություն:

Հյուրանոցներ
Էրզրում / Սարիղամիշ, Նեմրութ / Սևերեկ / Ադըյաման, Ադանա / Սիս / Կոռիկոս, Մուսալեռ / Իսկենդերում, Մուշ, Վան, Բայազետ / Բերկրի

Ուղևորության ծրագիր.

Օր 1 
Դեպի Կարս, Սարիղամիշ, Էրզրում Կարս քաղաք Վարդանի կամուրջ Չարենցի տան ավերակներ Սբ. Առաքելոց եկեղեցի Կարսի բերդ ▶️ Վաղ առավոտյան Երևանից կմեկնենք դեպի Բավրա` հայ-վրացական սահման: Կանցնենք Գյումրիով, ապա կհատենք սահմանը և կմտնենք Ջավախք, պատմական Գուգարք աշխարհի գավառ, որ այժմ Վրաստանի Սամցխե-Ջավախեթի շրջանն է: Շարունակելով ճանապարհը` կհասնենք Նինոծմինդա, նախկինում՝ Բոգդանովկա: Կմեկնենք վրաց-թուրքական սահման, հատելով սահմանը` կանցնենք Արդահանի շրջանի լեռների և Ծովակ լճի մոտով, կժամանենք Կարս:
Կշրջենք քաղաքում, կանցնենք նրա հին փողոցներով, ուր պահպանվել են 19-րդ դարի վերջի ռուս-հայկական ճարտարապետության ոճի բազմաթիվ շենքեր: Կտեսնենք միջնադարյան “Վարդանի” կամուրջը, այն տան փլատակները, ուր ապրել է Եղիշե Չարենցը, տպավորիչ Սբ. Առաքելոց եկեղեցին (10-րդ դար): Կբարձրանանք Կարսի բերդ, որ ժամանակին Հայոց մայրաքաղաքի ամրոցն էր և Բագրատունիների թագավորանիստը` բազմաթիվ պատերազմների լուռ վկան: Կարսից դուրս գալով կմեկնենք դեպի Սարիղամիշ և Էրզրում: Գիշերակացը կլինի Սարիղամիշում կամ Էրզրումում:
:

Օր 2 
Էրզրումից դեպի Բինգյոլ, Դիարբեքիր և Եփրատ Էրզրում-Կարին, Բյուզանդական ամրոց Չիֆթե մինարե և Յաքութիե մեդրեսե Սանասարյան վարժարան Դիարբեքիր քաղաք, Սբ. Կիրակոս եկեղեցի ▶️ Առավոտյան շրջագայելու ենք Էրզրումում (պատմական Կարին), որը եղել է Արևելյան Անատոլիայի ամենամեծ քաղաքը, ներկայումս հայտնի է ազգայնականության ուժեղ ավանդույթով: Կայցելենք Բյուզանդական Թեոդուպոլիսի ամրոց (5-րդ դար), հայտնի միջնադարյան մեդերներ (աստվածաբանական դպրոցներ) Չիֆթա Մինարեի և Յակուտիյեի քաղաքներում: Կտեսնենք Սանասարյան հայկական վարժարանի 19-րդ դարի շենքը և հայտնի Օսմանյան ճարտարապետ Սինանի (հայկական ծագմամբ) լալա փաշայի մզկիթը:
Էրզրումից մեր ճանապարհը կանցնի պատմական Բարձր Հայք և Ծոփք աշխարհներով: Անցնելով Բյուրակնի/ Բինգյոլի և Գայալախազուտ/ Փալանդյոքենի լեռներով` կհասնենք Դիարբեքիր (պատմական Ամիդ): Այն պատմության ընթացքում բազմազգ քաղաք է եղել, ուր ապրել են հայեր, քրդեր և ասորիներ: Մինչև 1980-ական թվականները տեղի հայ համայնքը դեռ պահպանվում էր, իր գործող եկեղեցիներով: Վերջիններից մենք կայցելենք Սբ. Կիրակոս եկեղեցի (18-րդ դար), որն առանձնանում է իր յուրօրինակ գեղեցկությամբ: Կտեսնենք նաև Դիարբեքիրի հռչակավոր չորսոտանի մինարեն և հին քաղաքի տպավորիչ սև պարիսպները, որ կառուցվել են 5-րդ դարում Բյուզանդիայի Կոստանդինոս կայսեր կողմից: Գիշերակաց Դիարբեքիրից քիչ հեռու գտնվող Սեւերեկ կամ Սիվերեք քաղաքում
ԿԱՄ այստեղից կմեկնենք դեպի Եփրատ, կանցնենք այն՝ վայելելով գետի և շրջապատող բլուրների գեղեցկությունը: Ապա կուղևորվենք դեպի Նեմրութ լեռ` Վերին Միջագետքի ամենաբարձր գագաթ (2206 մ.): Գիշերը կանցկացնենք Նեմրութ լեռան մոտ գտնվող հյուրանոցում:
:

Օր 3 
Նեմրութից մինչև Մարաշ/ Հռոմկլա և Կիլիկիո բերդեր Նեմրութ լեռ, Երվանդունի Անտիոքոս արքայի դամբարան Հեթանոսական աստվածների հսկայական արձաններ Անավարզա և Լևոնի բերդեր Սիս մայրաքաղաք Մարաշ կամ Հռոմկլա ▶️ Լուսաբացը կդիմավորենք Նեմրութ լեռան գագաթին, որտեղից կբացվի Հայկական լեռնաշխարհի արևմտյան հատվածի` Տավրոսյան լեռների և Եփրատ գետի անմոռանալի տեսարան: Նեմրութի գագաթին է գտնվում Կոմագենի Անտիոքոս I Թեոս արքայի դամբարանը, որը ՅՈւՆԵՍԿՕ-ի համաշխարհային ժառանգության օբյեկտ է: Անտիոքոսը հռչակել էր իրեն Ալեքսանդր Մակեդոնացու և Դարեհ I-ի հետնորդը, նրա տոհմը կապված էր Երվանդունիների հետ: Անտիոքոսին թագադրել էր Տիգրան Մեծ արքայից արքան: Այստեղ մենք կտեսնենք Զևս-Արամազդի, Ապոլոն-Միհրի (Տիրի), Հերակլես-Վահագնի, Անահիտի (Ֆորտունայի) հելլենիստական և հայ հեթանոսական աստվածությունների գահին բազմած յոթ մետրանոց արձանները:
Այստեղից Մարաշ քաղաքով, որը կարելի է համարել Կիլիկիայի դարպասներ, կամ Եփրատի վրա խոյացող հռչակավոր Հռոմկլա ամրոցով կիջնեք Կիլիկիա: Կայցելենք Սիս անառիկ բերդ (12-րդ դար)` Հայոց Կիլիկիայի սիրտն ու հենարանը, թագավորության վերջին տարիներին այն հերոսաբար պաշտպանում էր Լիպարիտ Սպարապետը: Հետո կայցելենք պատմական Անարզաբա/ Անավարզա քաղաքի ավերակներ և գերազանց պահպանված միջնաբերդ: Այն և բյուզանդական, և հայկական Կիլիկիայի մայրաքաղաք էր, ուր մ.թ.ա. 1-ին դարում այցելել էր Հռոմի Օգոստոս կայսրը: Կտեսնենք հին քաղաքի ավերակները և պարիսպը, հրաշալի պահպանված միջնաբերդը, որտեղ դեռ երևում են հայ թագավորների գրերը: Այնուհետև կայցելենք Լևոն թագավորի կառուցած Դաշտային Կիլիկիան պաշտպանող Լևոնի կամ Օձերու բերդ (12-րդ դար), որը գտնվել է Տավրոսյան լեռներից Անթիոք տանող “Մետաքսի ճանապարհի” վրա: Գիշերերակաց Ադանայում կամ Սիսում:
:

Օր 4 
Ադանայից դեպի Տարսոն և Կոռիկոս, Միջերկրական ծովի ափ Հին Ադանա, Հադրիոնոսի կամուրջ, հայկական թաղամաս Կիլիկյան մայրաքաղաք Տարսոն, Սուրբ Պողոս եկեղեցի, Կլեոպատրայի դարպասներ Կոռիկոսի ծովային բերդ Հանգիստ Միջերկրական ծովափին ▶️ Ադանայում պտույտի ժամանակ կտեսնենք Հադրիանոս կայսեր քարե կամուրջը (2-րդ դար)՝ Սարոս գետի վրա, հին թաղամասը, շուկան, հայկական վարժարանը: Ադանայից կմեկնենք Տարսոն/ Տարսուս, որ Պողոս Առաքյալի ծննդավայրն է, Կիլիկիայի մայրաքաղաքը հռոմեացիների օրոք, ապա հայերի, հայ թագավորների օծման վայր: Այստեղ մենք կայցելենք մզկիթի վերածված Սբ. Պողոս եկեղեցի, կտեսնենք Կլեոպատրայի դարպասները, ուր հանդիպել և սիրահարվել են Կլեոպատրան և Մարկոս Անտոնիոսը:
Այնուհետև կուղևորվենք Կոռիկոս - Քըզքալեսի հանգստավայր՝ այցելելու Կորիկոսի հայտնի ծովային ամրոց (12-րդ դար), որը վեր է խոյանում Միջերկրական ծովի փոքրիկ մի կղզու վրա: Այս ամրոցն Օշինյան իշխանների տիրույթն էր, հանդիսանում էր կարևոր միջնադարյան նավահանգիստ, առևտրի կենտրոն Եվրոպայի և Ասիայի խաչմերուկում: Կորիկոսը նաև հայտնի է իր հրաշալի լողափով, որտեղ մենք կվայելենք հանգիստ, կլողանք Միջերկրական ծովում մինչև ուշ երեկո: Գիշերակաց Կորիկոսում:
:

Օր 5 
Մուսա լեռ Կիլիկիայի միջով անցնում ենք Հայկական ծոց Դեպի Իսկենդերուն, Բեյլան և Անտիոք Մուսալեռ / Մուսադաղ, հայկական Վակըֆլի գյուղ ▶️ Մինչև կեսօր կարող ենք հանգստանալ Կոռիկոսի ծովափին: Այնուհետև կուղևորվենք դեպի Հայոց Ծոց, դեպի Մուսալեռ: Կհասնենք Անթաքիա (հին Անտիոք, Սելևկիայի թագավորության մայրաքաղաք մ.թ.ա. 4-2-րդ դդ.): Այստեղից կմեկնենք Թուրքիայում մնացած միակ հայկական գյուղ, որ կոչվում է Վաքըֆլը, որը գտնվում է Մուսալեռի ստորոտին: Վաքըֆում կայցելենք գյուղի եկեղեցի, այն Կիլիկիայում երկու գործող հայկական եկեղեցիներից է, կհանգստանանք եկեղեցու բակում, կծանոթանանք տեղի բնակչության հետ: Վաքըֆլըից կիջնենք Սամանդաղ քաղաք` Միջերկրականի ծովափ կամ կշարունակենք ճանապարհը մինչև Իսքենդերուն: Գիշերը կանցկացնենք ծովից ոչ հեռու գտնվող հյուրանոցում:
:

Օր 6 
Դեպի Հայկական Միջագետք, Սասունի լեռներ և Մուշ Այնթապ, Սբ. Եղիա տաճար Եդեսիա/ Ուրֆա, “սուրբ ձկների” ավազան Սասուն լեռներ և Մուշ ▶️ Այսօր կճանապարհվենք Այնթապ (Գազիանթեփ), որը 12-14-րդ դարերում Կիլիկիո հայ իշխանների տիրույթն էր: Այնթապում պահպանվել է խաչակիրների կառուցած բերդը (12-րդ դար): Քաղաքում կտեսնենք Սբ. Եղիա հրաշագեղ տաճարը, որ վերածված է մզկիթի:
Այնթապից կուղևորվենք Եդեսիա-Ուրֆա` պատմական Միջագետք Հայոց կոչվող աշխարհի կենտրոն, ուր Մեսրոպ Մաշտոցը 406 թ. արարել է հայոց գրերը: Ըստ ավանդության` Ուրֆայի մոտ գտնվող մի քարայրում ծնվել է Աբրահամը: Մենք կայցելենք հռչակավոր “սուրբ ձկների” ավազանը, որն, ըստ լեգենդի, մի մեծ կրակ էր, ուր Բաբելոնի արքա Նիմրոդ-Բելը գցել էր Աբրահամին: Կտեսնենք հին քաղաքի բերդը, հայկական և բյուզանդական եկեղեցիներ՝ մզկիթների վերածված: Նրանցից մեկի ջրհորում պահվում էր Քրիստոսի թաշկինակը, որը բժշկել էր հայոց թագավոր Աբգարին:
Ուրֆայից դուրս գալով` կճանապարհվենք դեպի Մուշ, կանցնենք Սասունի լեռները: Գիշերակաց Մուշում:
:

Օր 7 
Մուշ, Բիթլիս, Վան Մուշ քաղաք,Մշո դաշտ, Արևելյան Եփրատ/ Արածանի, Սուլուխի կամուրջ Մշո «Սուլթան» Սուրբ Կարապետ համալիր Բիթլիս, Ալեքսանդր Մակեդոնացու բերդ Վանա լիճ ▶️ Առավոտյան կշրջենք հին Մուշում, ապա կմեկնենք Արածանու վրա գտնվող Սուլուխի միջնադարյան կամուրջ, որը հայ ազգային ազատագրական պայքարի կարևոր տեղանուններից է` Գևորգ Չաուշի նահատակման վայրը: Այստեղից կշարժվենք դեպի Մշո “Սուլթան” Սուրբ Կարապետ վանք, որ ժամանակին հայ հոգևոր կարևորագույն կենտրոնն էր` Էջմիածնից հետո, մի փառավոր ճարտարապետության նմուշ: Այժմ երևում են միայն նրա աղքատիկ փլատակները քրդական գյուղում, որի տները կառուցված են տաճարի սրբատաշ քարերով:
Այնուհետև կճանապարհվենք դեպի Բիթլիս (պատմական Բաղեշ) քաղաք, որը գտնվում է Տավրոսյան լեռների կիրճում: Այն եղել է Հայոց Աղձնիք նահանգի (բդեշխության), իսկ ավելի ուշ Քրդական Էմիրության (13-19-րդ դդ.) կենտրոն: Բիթլիսում ամենատպավորիչ տեսարանը նրա անառիկ բերդն է, որի հիմնադրումը վերագրվում է Ալեքսանդր Մակեդոնացուն: Բիթլիսից կուղևորվենք դեպի Վանա լիճ: Ճանապարհին կարելի է կանգառ անել, հանգստանալ և վայելել Վանա լճում լողալու հաճույքը: Գիշերակաց Վանում:
:

Օր 8 
Աննման Վանա լիճ և Ախթամար Վան քաղաք և լիճ Աղթամար կղզի, Սուրբ Խաչ եկեղեցի Վարագավանք Վանի Տուշպա բերդ, Վանա կատուներ, Մհերի դուռ Բերկրիի ջրվեժ ▶️ Առավոտյան կայցելենք ուրարտական Տուշպա/ Վան բերդ (9-րդ դար մ.թ.ա.), որտեղ պահպանվել են հնագույն սեպագրեր և դամբարան Սարդուրի և Արգիշտի (Երևանի հիմնադիր) արքաների: Բերդից քիչ հեռու կտեսնենք հայտնի վանա կատուներին: Քաղաքի միջով անցնելիս կանգ կառնենք "Սասնա Ծռեր" էպոսի Փոքր Մհերի ժայռափոր դռան մոտ: Բարձրանալով Վարագա լեռ` կհայտնվենք Վասպուրական թագավորության հոգևոր առաջնորդարան Վարագավանք համալիրում (որ տեղացիները կոչում են “Յեդի քիլիսե”` Յոթ եկեղեցի):
Ապա կիջնենք դեպի Վանա լիճ, կնավարկենք դեպի Աղթամար կղզի, ուր գտնվում է իր նմանը չունեցող Սուրբ Խաչ եկեղեցին (10-րդ դար): Սուրբ Խաչը համարվում է միջնադարյան հայ ճարտարապետության գլուխգործոց, այն պատված է Աստվածաշնչյան թեմաներին նվիրված հրաշալի որմնաքանդակներով, իսկ ներսի կողմից` գունեղ որմնանկարներով: 2010 թ. սեպտեմբերին՝ մեկ դար անց Արևմտյան Հայաստանում առաջին անգամ Սուրբ Խաչում տեղի ունեցավ Ս. Պատարագ: Այսպիսով, Ախթամար կղզում գտնվող Սուրբ Խաչը դարձավ Արևմտյան Հայաստանի տարածքում գործող միակ հայկական եկեղեցին:
Կղզում էքսկուրսիայից հետո կարող ենք վայելել լողափում կամ սրճարանում հանգստանալու հաճույքը: Ճաշին կհամտեսենք հայտնի “Վանա տառեխ” ձուկը, որը լճում ապրող միակ կենդանական տեսակն է:
Այնուհետև կուղևորվենք դեպի Բայազետ: Ճանապարհին կանգառ կանենք Բերկրիի սքանչելի ջրվեժի մոտ: Գիշերակաց Բայազետի հյուրանոցում:
:

Օր 9 
Արարատից և Բայազետից Անի և Երևան Արարատ լեռան համայնապատկեր Հին Բայազեթի բերդ և Իսհաք փաշայի պալատ Անի միջնադարյան մայրաքաղաք Մայր տաճար, Սուրբ Փրկիչ, Տիգրան Հոնենց, Գագիկաշեն, Սուրբ Առաքելոց Վերադարձ Երևան ▶️ Դեպի վեր ենք ելնում՝ հին Բայազեդ, ուր կտեսնենք անառիկ Դարոյնքը՝ գանձարանն ու ամրոցը Արշակունի թագավորների (մ.թ.ա. 1-5 դ.): Ապա Իգդիր տանող ճանապարհին կվայելենք հակառակ (հարավային) կողմից Արարատ լեռան չքնաղ տեսարանը:
Ճանապարհը տանում է դեպի առասպելական Անի, 9-11-րդ դարերի զորեղ Հայոց թագավորության հրաշալի մայրաքաղաք, որին անվանում էին "հազար ու մի եկեղեցիների քաղաք": Անին իր ժամանակի խոշորագույն կրոնական, առևտրական և մշակութային կենտրոնն էր Եվրոպայի և Ասիայի խաչմերուկում, որով անցել է “Մետաքսի ճանապարհը”: Շրջելով Անիում` մենք կզգանք զորությունը միջնադարյան պարիսպների և աշտարակների, հռչակավոր տաճարների և պալատների, որոնք հազարամյակ անց կանգուն են մնացել:
Անիից կուղևորվենք դեպի թուրք-վրացական սահման: Վրաստան մտնելով` կանցնենք Ջավախքը և կհատենք վրաց-հայկական սահմանը: Երեկոյան կժամանենք Երևան:
:

ՕրՍկիզբԱվարտԳինՍտատուս
98 օգստ. 202016 օգստ. 2020330՛000 դրամ 240՛000 դրամ
917 օգստ. 202025 օգստ. 2020330՛000 դրամ 240՛000 դրամ
926 օգստ. 20203 սեպտ. 2020330՛000 դրամ 240՛000 դրամ
94 սեպտ. 202012 սեպտ. 2020330՛000 դրամ 240՛000 դրամ
913 սեպտ. 202021 սեպտ. 2020330՛000 դրամ 240՛000 դրամ
922 սեպտ. 202030 սեպտ. 2020330՛000 դրամ 240՛000 դրամ
   



Ամրագրելու համար խնդրում ենք լրացնել ստորև բերված ձևը կամ գրել nvtour@gmail.com էլ-փոստին կամ զանգահարել.
010 56 56 49
055 56 56 49
099 56 56 48
098 56 56 47
* Լրացնելն անհրաժեշտ է

Անուն:* 
Ազգանուն:* 
Հեռախոսահամարներ (քաղաք. և բջջ.):* 
E-mail:* 
Քաղաքացիություն:* 
Դուք տուրիստական գործակա՞լ եք: Այո  Ոչ
Հասցե:
Ուղևորների քանակ:* 
Երեխաների քանակ (մինչև 12 տարեկան):
Ուղևորության համար նախընտրած ժամկետներ:* 
Երևանում հյուրանոցում գիշերակաց ընտրելու դեպքում նշեք գիշերների քանակը:
Դիմավորում-ճանապարհում (տրանսֆեր):  Այո  Ոչ 
Տրանսֆերի դեպքում նշեք ժամանող և մեկնող չվերթերի ամսաթվեր և համարներ:
Ի՞նչպես եք իմացել Նարեկավանք Տուրի մասին:
Լրացուցիչ տեղեկություններ:





Narekavank Tour


Տուրերի մասին կարծիքներ


Մամուլը մեր մասին
 




Կապ
Քաղաքային 010 56 56 49
Ucom 055 56 56 49
Beeline 099 56 56 48
Vivacell 098 56 56 47
Viber +374 99 56 56 48
WhatsApp +374 99 56 56 48
Skype narekavank
nvtour@gmail.com



Անցնել կայքի լրիվ տարբերակին
Բոլոր իրավունքները պահպանված են: © 2008-2020 “Նարեկավանք Տուր” ("Էն-Վի Տուր" ՍՊԸ):