Գլխավոր
Բոլոր տուրերը
Տուրերի բաժիններ
Չվացուցակ
Մենք և մեր գիդերը
Պայմաններ
Կապ


Տուրերի մասին կարծիքներ

Մամուլը մեր մասին

բանիմաց և հոգատար գիդեր
 AMD
 Աննման Ախթամար, Անի, Կարս, Վան (և Մուշ). Արեւմտյան Հայաստան տուր (3 օր)
Տուրի տեւողություն
3 օր, 2 գիշեր

Համառոտ նկարագրություն
Զգացեք մեր պատմական հայրենիքի՝ Արևմտյան Հայաստանի շունչն այս բովանդակալից և հագեցած ուղևորության ընթացքում: Տեսեք փառավոր ✔️ Անին և Կարսը, հրաշք Վանա լիճն ու երազանք ✔️ Ախթամարը, հպարտ Սիփանն ու ալիքավոր Թոնդրակը, մեծն Արարատը՝ հակառակ կողմից, Բերկրիի շառաչուն ջրվեժը, ✔️ Վանի հսկա բերդն ու Մհերի դուռը, աննման Վանա կատվին, համտեսեք Վանա տառեխը Աղթամարի դիմաց: Տուրն ընդլայնելու դեպքում կտեսնեք նաև Դատվան, ✔️ Մշո դաշտ ու Մուշ քաղաք, Արածանի և Սուլուխի կամուրջ, Խնուսի շրջան և Բինգյոլի լեռներ, Բասենի դաշտ ու Հովվի կամուրջ, Սարիղամիշի անտառներ:

✅ Մեր պատմական տարածքներում Նարեկավանք Տուրն ունի ամենից վստահելի, երկարատև և ամուր կապեր տեղի գործընկերների հետ: Արևմտյան Հայաստան 3 օր տուրեր Նարեկավանքն իրականացնում է 2010 թվականից: Ճամփորդե՛ք պատմա-մշակութային ուղևորությունների ոլորտում ամենափորձառու ընկերության, ամենակիրթ և հոգատար գիդերի հետ:


Արժեք
77'000 դրամ 65 000 դրամ
Արժեքի մեջ ներառված են.
ա) գիշերակաց որակյալ հյուրանոց/ներում 3* և կամ 4* (երկու հոգի մեկ սենյակում հաշվարկով),
բ) հարմարավետ տրանսպորտ` ապահովված օդափոխիչով և հարմար թիկնաթոռներով,
գ) համեղ ուտեստներով, լիարժեք երկու անգամյա սնունդ` նախաճաշ եւ ուշ ճաշ (այդ թվում Վանում՝ Վանա տառեխ),
դ) պատմամշակութային հաստատությունների մուտքի տոմսեր, Աղթամար նավարկություն,
ե) ճանապարհային բժշկական ապահովագրություն (travel insurance),
զ) երկար տարիների փորձ ունեցող, կրթված, հոգատար գիդի (երկրի, պատմության, լեզուների մասնագետի, թուրքագետի) ուղեկցություն:

Հյուրանոցներ
Բայազետ / Բերկրի, Բայազետ / Բերկրի / Մուշ

Ուղևորության ծրագիր.

Օր 1 
Երևանից առասպելական Անի և Բայազետ Ջավախք, Ծովակ լիճ, Արդահանի մարզ Մայրաքաղաք Անի. Սմբատաշեն և Աշոտաշեն պարիսպներ Մայր Տաճար, Սուրբ Ամենափրկիչ, Տիգրան Հոնենց Առաքելոց, Գագիկաշեն, Աբուղամրենց եւ այլ կառույցներ Անցում Կողբով և Իգդիրով, Բայազետ ▶️ Առավոտյան Երևանից կշարժվենք դեպի հայ-վրացական սահման: Կանցնենք նախ Գյումրիով, ապա հատելով սահմանը՝ կմտնենք Ջավախք: Ջավախքով անցնող գեղատեսիլ ճանապարհը կհասցնի մեզ վրաց-թուրքական սահման: Սահմանից այն կողմ որոշ ժամանակ անց կկանգնենք և կհանգստանանք Հայկական լեռնաշխարհի չքնաղ լճերից՝ Ծովակն Հյուսիսոյի ափին: Ապա Կարսի սարահարթով կշարժվենք դեպի առասպելական Անի: Կքայլենք հազար ու մի եկեղեցիներով հայտնի Անիում, կայցելենք հնամենի կառույցներ, որ ընդամենը մեկ քայլ են հեռու ներկայիս սահմանից, կհիանանք հայկական ճարտարապետական մտքի ձեռքբերումներով: Անիի ավերակներում պտույտից հետո Կողբով, Արաքսի վրայով և Իգդիր քաղաքով կհասնենք Բայազետ: Գիշերակաց հյուրանոցում: (ավելի մանրամասն տե՛ս...)
:

Օր 2 
Վան-Վասպուրական աշխարհում Վանա լիճ և քաղաք Աղթամար կղզի, Սուրբ Խաչ եկեղեցի Վանի բերդ, Մհերի դուռ Վանա կատուներ, Վանա տառեխ Բերկրիի ջրվեժ, Թոնդրակի լեռնանցք Արարատ լեռան տեսարան ▶️ Առավոտյան Արարատ լեռան գեղեցիկ տեսարանով հիանալուց հետո կանցնենք Թոնդրակ հրաբխի լեռնանցքը (Ծաղկանց լեռները) և կհայտնվենք Վասպուրական աշխարհում: Ճանապարհին կանգ կառնենք և կհանգստանանք գեղատեսիլ Բերկրիի ջրվեժի մոտ: Քիչ անց կհասնենք Վան, կտեսնենք Մհերի դուռը, կբարձրանանք Վանի բերդ կամ Տուշպա: Բերդի մոտ կտեսնենք նաև Վանա աննման կատուներին:
Հասնելով փիրուզե Վանա լիճ` կնավարկենք դեպի Աղթամար կղզի, որի զարդը չկրկնվող որմնաքանդակներով Սուրբ Խաչ եկեղեցին է: Սուրբ Խաչն իրավամբ համարվում է միջնադարյան հայ և համաշխարհային հոգևոր ճարտարապետության գլուխգործոցներից: Ախթամարում պտույտից հետո կվայելենք Վանա լճում լողալու և կղզու սրճարանում հանգստի հաճույքը: Ճաշին կհամտեսենք հայտնի Վանա տառեխը, որը լճում ապրող միակ ձկնատեսակն է: Երեկոյան Վանից կվերադառնանք Բայազետ:
ԿԱՄ տուրը լրավճարով ընդլայնելու դեպքում Աղթամարից կշարունակենք ճանապարհը դեպի Դատվան, կիջնենք Մշո դաշտ և կհասնենք Մուշ քաղաք: Գիշերակաց հյուրանոցում: (ավելի մանրամասն տե՛ս...)
:

Օր 3 
Բայազետից (Մուշ-Տարոնից) դեպի Կարս և Երևան Կարս քաղաք և բերդ, Վարդանի կամուրջ Սբ. Առաքելոց եկեղեցի, Չարենցի տան ավերակներ Ընդլայնված տարբերակով նաև. Մուշ քաղաք և Մշո դաշտ Արածանի և Սուլուխի կամուրջ Խնուսի շրջան և Բինգյոլի լեռներ Բասենի դաշտ, Հովվի կամուրջ, Սարիղամիշի անտառներ ▶️ Այսօր՝ մեր ուղևորության վերջին օրը ճանապարհ կընկնենք դեպի Կարս: Կշրջենք ինքնատիպ գեղեցկություն ունեցող քաղաքում, կտեսնենք Կարսի բերդը, ժամանակին Բագրատունիների թագավորանիստը, միջնադարյան "Վարդանի կամուրջը", այն վայրը, ուր Չարենցի տունն էր գտնվում, հազար տարի կանգուն և տպավորիչ Սբ. Առաքելոց եկեղեցին՝ վերածված մզկիթի: Այստեղից կշարժվենք դեպի թուրք-վրացական սահման: Վրաստան կմտնենք, կանցնենք Ջավախքով և կհատենք վրաց-հայկական սահմանը: Երեկոյան կժամանենք Երևան:
Տուրի ընդլայնված տարբերակով Մուշում առավոտյան կբարձրանանք Մուշի հին թաղ, ուր Սբ. Մարինե եկեղեցու կիսավերակն է, իսկ դիմացը՝ հայկական գերեզմանատունը: Կտեսնենք գեղեցիկ Եփրատ-Արածանին և նշանավոր Սուլուխի կամուրջը: Մշո դաշտից կբարձրանանք դեպի Բինգյոլի լեռներ, կանցնենք Խնուսի մոտով և կիջնենք Բասեն: Կկանգնենք գեղեցիկ Հովվի կամրջի մոտ, Արաքսի և Մուրցի վրա: Ապա Սարիղամիշի լեռներով և անտառներով կհասնենք Կարս, ուր կշրջենք ըստ վերոհիշյալ Կարսի ծրագրի և կբռնենք վերադարձի ուղին: (ավելի մանրամասն տե՛ս...)
:

ՕրՍկիզբԱվարտԳինՍտատուս
   



Ամրագրելու համար խնդրում ենք լրացնել ստորև բերված ձևը կամ գրել nvtour@gmail.com էլ-փոստին կամ զանգահարել.
010 56 56 49
055 56 56 49
099 56 56 48
098 56 56 47
* Լրացնելն անհրաժեշտ է

Անուն:* 
Ազգանուն:* 
Հեռախոսահամարներ (քաղաք. և բջջ.):* 
E-mail:* 
Քաղաքացիություն:* 
Դուք տուրիստական գործակա՞լ եք: Այո  Ոչ
Հասցե:
Ուղևորների քանակ:* 
Երեխաների քանակ (մինչև 12 տարեկան):
Երևանում հյուրանոցում գիշերակաց ընտրելու դեպքում նշեք գիշերների քանակը:
Դիմավորում-ճանապարհում (տրանսֆեր):  Այո  Ոչ 
Տրանսֆերի դեպքում նշեք ժամանող և մեկնող չվերթերի ամսաթվեր և համարներ:
Ի՞նչպես եք իմացել Նարեկավանք Տուրի մասին:
Լրացուցիչ տեղեկություններ:







Տուրերի մասին կարծիքներ


Մամուլը մեր մասին
 




Կապ
Քաղաքային 010 56 56 49
Ucom 055 56 56 49
Beeline 099 56 56 48
Vivacell 098 56 56 47
Viber +374 99 56 56 48
WhatsApp +374 99 56 56 48
Skype narekavank
nvtour@gmail.com



Անցնել կայքի լրիվ տարբերակին
Բոլոր իրավունքները պահպանված են: © 2008-2020 “Նարեկավանք Տուր” ("Էն-Վի Տուր" ՍՊԸ):